Gwirfoddoli

Mae gwirfoddoli gyda ni yn cyfrannu at bob agwedd ar Ysgol Goedwig Abertawe Castell-nedd Port Talbot ac yn cynnig gwobrau gwych.

Rydym yn cefnogi arweinwyr staff a chynorthwywyr i ddarparu amgylchedd diogel, gofalgar, ysgogol a chyfoethog i holl gyfranogwyr yr ysgol goedwig

Pam ddylwn i ystyried dod yn wirfoddolwr?

Gwnewch wahaniaeth i fywydau plant a phobl ifanc, gan eu helpu i deimlo ymdeimlad o ryfeddod a chwilfrydedd am y byd o'u cwmpas
Byddwch yn rhan o dîm sy'n darparu cyfleoedd unigryw, gan gefnogi datblygiad cyfannol a dysgu trwy brofiadau hwyliog yn ein lleoliadau coetir hardd
Helpwch blant, pobl ifanc ac oedolion i deimlo'n dda amdanyn nhw eu hunain. Mae’r Ysgol Goedwig yn helpu i hybu hunan-barch a hyder ac mae’n datblygu sgiliau ymarferol
Mae llawer o'n gwirfoddolwyr wedi dilyn gyrfaoedd mewn Ysgolion Coedwig, addysgu ac amgylcheddau dysgu awyr agored
Profwch welliant yn eich lles eich hun a gwell iechyd corfforol a meddyliol trwy ryngweithio â byd natur
Arsylwch a chyfrannwch at les cynyddol y rhai sy'n rhyngweithio â'r Ysgol Goedwig
Dewch yn rhan o dîm gwych, cefnogol a hwyliog
Gwnewch ffrindiau newydd
Rhowch gynnig ar bethau newydd a datblygwch eich sgiliau eich hun e.e. offer/tŵls, tanau, planhigion brodorol, coginio

Beth sydd gan ein gwirfoddolwyr i'w ddweud…

Roedd yn therapiwtig ailymweld â phlentyndod mewn ffordd roedd yn wahanol i un fy hun neu fy merch. Ychwanegodd elfen i'm trefn wythnosol a oedd ar goll o bethau eraill roeddwn i'n eu gwneud. Yn y bôn, fe wnaeth hynny ddod ag ychydig o lawenydd i mi.

Dechreuais wirfoddoli gydag Ysgol Goedwig Abertawe Castell-nedd Port Talbot pan symudais yn ôl i'r ardal. Roedd yn ffordd berffaith i fi ddechrau dysgu am yr Ysgol Goedwig ar ôl i fy niddordeb gael ei ennyn o helpu mewn sesiynau yn fy ngwaith blaenorol mewn meithrinfa/gyda’r Guides, ac fe wnaeth fy helpu’n fawr i gwrdd â llawer o bobl newydd hyfryd a theimlo'n llai unig yn fy nghymuned newydd.

Mae Ysgol Goedwig Abertawe Castell-nedd Port Talbot yn lle mor wych i wirfoddoli ynddo gan fod yr Arweinwyr a'r Cynorthwywyr Ysgol Goedwig y byddwch chi'n cwrdd â nhw mor garedig ac angerddol am yr hyn maen nhw'n ei wneud, a byddan nhw'n mynd o'u ffordd i wneud i chi deimlo'n gartrefol ac i'ch cefnogi i ddatblygu gwybodaeth am sut mae Ysgol Goedwig fel lleoliad addysgol mor wych i blant a phobl ifanc.

Mwynheais wirfoddoli gydag Ysgol Goedwig Abertawe Castell-nedd Port Talbot gymaint nes yn fuan wedyn i mi wneud fy hyfforddiant lefel 2 i fod yn gynorthwyydd Ysgol Goedwig. Agorodd yr hyfforddiant lwybr newydd i fi. Roedd ysgol leol yn chwilio am gynorthwyydd dysgu â gwybodaeth am ddysgu awyr agored neu Ysgol Goedwig ac rydw i wedi bod yn gweithio yno nawr ers dros 10 mlynedd. Mae'r profiad a'r hyfforddiant gydag Ysgol Goedwig Abertawe Castell-nedd Port Talbot wedi bod yn werthfawr iawn i'r rôl hon

Mae fy mhrofiad gydag Ysgol Goedwig Abertawe Castell-nedd Port Talbot wedi bod o fudd mawr i fi gan fy mod wedi datblygu sgiliau na fyddai gen i mewn lleoliad addysgol dan do, rydw i wedi dod yn fwy cymdeithasol a hyderus ynof fy hun, a gallaf ysgrifennu am fy mhrofiad ar CVs (gan fy helpu i ddangos bod gen i amrywiaeth o brofiadau mewn lleoliadau addysgol). Am yr holl resymau hyn, rwy'n argymell gwirfoddoli gydag Ysgol Goedwig Abertawe Castell-nedd Port Talbot yn gryf!

Fe ddes i ar draws Ysgol Goedwig Abertawe Castell-nedd Port Talbot mewn digwyddiad tua 14 mlynedd yn ôl ac allwn i ddim credu y gallai swydd o’r fath fodoli mewn gwirionedd! Dyna oedd, ac mae'n dal i fod, y swydd ddelfrydol i fi.