Rheolwr Ysgol Goedwig
Jackie yw'r Rheolwr yn Ysgol Goedwig Abertawe Castell-nedd Port Talbot (SNPT), gan ofalu am ein gweithrediadau a'n gweinyddiaeth. Mae gan Jackie gyfoeth o brofiad ym maes chwarae plant a gweithio mewn natur. Mae hi wedi gweithio yn y sectorau cyhoeddus, preifat a gwirfoddol, gan ddefnyddio ei gwybodaeth a'i phrofiad eang o reoli prosiectau a rheolaeth weithredol. Un o'i hangerddau yw gweithio mewn ffordd gyfannol (holistic). Mae hi wrth ei bodd yn gweithio fel rhan o dîm o unigolion o'r un anian.
Gweinyddwr Hyfforddiant Ysgol Goedwig Abertawe a Chastell-nedd Port Talbot (SNPT)
Mae Katy wedi ymuno â'r tîm yn ddiweddar fel Gweinyddwr Hyfforddiant. Fel mam i dri o blant sy’n caru’r awyr agored, a chyda phrofiad o ddatblygu chwarae a gweithio fel Gweinyddwr Hyfforddiant, mae gan Katy wir ddealltwriaeth o fanteision byd natur ar iechyd corfforol a meddyliol plant a phobl ifanc. Mae hi'n credu y dylai pawb gael y cyfle i gysylltu â byd natur ac elwa o sut y gall helpu unigolion i feithrin hyder a hunan-barch, gan greu unigolion iachach a hapusach.
Hyfforddwr yr Ysgol Goedwig
A chanddi radd mewn Addysg Amgylcheddol a TAR mewn Addysg Uwchradd, mae gan Karen gefndir mewn rheoli coetiroedd a gwyddoniaeth. Mae hi'n cynnal sesiynau Seedlings ac yn cyflwyno hyfforddiant ar bob lefel.
Arweinydd yr Ysgol Goedwig
Ymunodd Emma â theulu Forest School SNPT yn 2010 ar ôl cwblhau ei Hyfforddiant Arweinydd Forest School Lefel 3 gyda ni. Mae ganddi radd mewn Bioleg, a chymwysterau mewn addysgu, chwarae, gwaith ieuenctid a chymuned ac mewn celf – felly mae’n unigolyn creadigol a chysylltiedig llawn talent! Mae hi bellach hefyd yn darparu hyfforddiant Forest School, ochr yn ochr â Karen, ac yn mwynhau rhannu ei hangerdd gyda phobl debyg eu meddylfryd. Gyda’r newidiadau i’r cwricwlwm yng Nghymru ac agweddau pobl tuag at fanteision bod yn yr awyr agored mewn natur, mae hi’n credu ein bod mewn sefyllfa dda i wneud gwahaniaeth go iawn i fywydau pobl. Peth bendigedig yw gallu dweud hynny!
Gweinyddwr Darparu Ysgol Goedwig Abertawe a Chastell-nedd Port Talbot (SNPT)
Fe wnaeth Sash ddarganfod Ysgol Goedwig Abertawe a Chastell-nedd Port Talbot (SNPT) yn 2007 tra oedd hi'n astudio am radd BSc mewn Astudiaethau Plentyndod Cynnar. Cafodd ei hysbrydoli gan y dull hwn o addysgu plant ac o ganlyniad daeth yn wirfoddolwr wythnosol mewn sesiynau. Arweiniodd hyn at ei hyfforddiant fel Cynorthwyydd yr Ysgol Goedwig ac Arweinydd yr Ysgol Goedwig gyda ni. Cafodd Sasha ei hysgogi gan ethos ac arferion cyfannol (holistic) yr Ysgol Goedwig a pha mor dda y mae'n cefnogi addysg, datblygiad a lles plant, ynghyd â pha mor hapus a brwdfrydig oedd y plant eu hunain. Cafodd hefyd ei hysgogi gan effaith therapiwtig yr ysgol a pha mor dda yr ymatebai’r plant, o'i gymharu â sut câi rhai trafferthion mewn lleoliad dysgu ffurfiol. Fe wnaeth Sasha gynnwys yr Ysgol Goedwig yn ei thraethawd hir ar gyfer ei gradd BSc, ac aeth ymlaen i ddefnyddio’r Ysgol Goedwig fel pwnc ar gyfer ei gradd MA mewn Astudiaethau Plentyndod ac ymchwil mewn Addysg Blynyddoedd Cynnar. Mae Sasha hefyd wedi chwifio baner yr Ysgol Goedwig mewn amrywiol sgyrsiau a chynadleddau yng Nghymru a Lloegr.
Arweinydd yr Ysgol Goedwig
Mae Pixie wedi bod yn Arweinydd yr Ysgol Goedwig ers 2002, ac mae hi wedi bod yn rhan o dîm ysbrydoledig a meithringar Ysgol Goedwig Abertawe a Chastell-nedd Port Talbot (SNPT) byth ers hynny. Treuliodd lawer o'i phlentyndod yn chwarae yn yr awyr agored ac yn cael pob math o anturiaethau mewn coedwigoedd a mannau gwyllt. Mae’n frwd dros alluogi ac annog plant heddiw i gysylltu â'r amgylchedd naturiol.
Arweinydd yr Ysgol Goedwig
Magwyd Charlotte ym Mhenrhyn Gŵyr ac mae hi wedi bod wrth ei bodd yn archwilio coedwigoedd a'r traethau lleol erioed. Mae hi'n angerddol am gysylltiad byd natur â lles, a rhoi cyfle i blant gael anturiaethau yn yr awyr agored. Mae hi'n Arweinydd yr Ysgol Goedwig cymwys, ac ar hyn o bryd yn gweithio fel cynorthwyydd. Mae ganddi radd BSc (Anrh) mewn Cadwraeth Amgylcheddol a Diploma Graddedig mewn Cadwraeth a Rheolaeth Amgylcheddol. Dechreuodd wirfoddoli i Ysgol Goedwig Abertawe a Chastell-nedd Port Talbot (SNPT) yn 2003, ac mae hi wedi bod yn rhan o'r sefydliad ers hynny. Hi oedd cyd-sefydlydd Gower Unearthed, busnes dysgu yn yr awyr agored ar Benrhyn Gŵyr, ac roedd hi'n rhan o sefydlu a chyflwyno’r Ysgol Goedwig mewn llawer o ysgolion cynradd lleol.